थुप्रै नेपाली चलचित्रमा स्वर दिइसकेका गायक कुमार कान्छा यतिबेला अस्वस्थ छन् । मुम्बईमा बसोबास गर्ने कान्छा डेढमहिनायता त्यहाँको अस्पतालमा उपचार गराइरहेका छन् । उपचारका लागि अहिलेसम्म उनले आफ्नो सम्पूर्ण जायजेथा खर्च गरिसकेका छन् । अहिले उनका दुवै खुट्टा चल्दैनन् ।स्पाइनल कर्डको अप्रेसन अन्य अस्पतालमा नभएपछि मुम्बइको महिमास्थित निकै महंगो रहेजा अस्पतालमा उपचार गराइरहेका कान्छाले यतिबेला थप उपचारको लागि आर्थिक अभाव भएको जनाएका छन् । बिरामी भएपछि उनी निकै दुब्लाएका छन् । उनी राम्रोसँग बोल्न पनि सक्दैनन् ।
मुम्बईको गोरेगावँ पश्चिम ओशिविरामा दुई छोरा (विवेक र विनायक) तथा श्रीमती कविता शाहका साथमा रहँदै आएका कुमार कान्छाले नेपाली, हिन्दी, पन्जावी, बंगाली, उडिया, मराठी, भोजपुरी, मैथिली आदि २२ वटा भाषामा सयौं गीत गाइसकेका छन् ।
0 comments:
Post a Comment